ខួប ១០ ឆ្នាំនៃការបង្កើតធនាគារ សាខមប៊ែង (ខេមបូឌា) ភីអិលស៊ី

ខួប១០ឆ្នាំនៃការបង្កើតធនាគារ សាខមប៊ែង (ខេមបូឌា) ភីអិលស៊ី

នៅថ្ងៃទី២៤ ខែកក្កដា ឆ្នាំ២០១៩

ដោយមានការអនុញ្ញាតពី គណៈគ្រប់គ្រងធនាគារមេ នៅថ្ងៃទី ២២ ខែមិថុនា ឆ្នាំ ២០១៩ ធនាគារ សាខមប៊ែង (ខេមបូឌា) ភីអិលស៊ី បានរៀបចំដោយជោគជ័យ នូវខួបអនុស្សាវរីយ៍ ១០ឆ្នាំ នៃការបង្កើតធនាគារ សាខមប៊ែង (ខេមបូឌា) ភីអិលស៊ី ។ ១០ឆ្នាំកន្លងផុតទៅ ចាប់ពីថ្ងៃទី ២៣ ខែមិថុនា ឆ្នាំ ២០០៩ ធនាគារ សាខមប៊ែង បានបើកសម្ពោធសាខាភ្នំពេញ ដែលជាធនាគារពាណិជ្ជដំបូងគេរបស់វៀតណាម ដែលមានវត្តមាននៅក្នុងព្រះរាជាណាចក្រកម្ពុជា ។ បោះជំហានដំបូងគេនេះ គឺជាលក្ខខណ្ឌមួយដ៏ល្អសម្រាប់ធនាគារ សាខមប៊ែង ដើម្បីកសាងរូបភាពដ៏គួរអោយចាប់អារម្មណ៍ដល់អតិថិជននៅលើទឹកដីកម្ពុជាដែលសំបូរដោយប្រាង្គប្រាសាទដ៏ស្រស់ស្អាត ព្រមទាំងផ្តល់នូវដំណោះស្រាយហិរញ្ញវត្ថុដ៏ទូលំទូលាយដល់អតិថិជន និង សហគមន៍អ្នកជំនួញកម្ពុជា – វៀតណាម ។ គិតត្រឹមថ្ងៃទី ០១ ខែតុលា ឆ្នាំ ២០១១ ដោយមានការអនុញ្ញាតពីធនាគារជាតិនៃកម្ពុជា ធនាគារ សាខមប៊ែង (ខេមបូឌា) ភីអិលស៊ី បានផ្លាស់ប្តូរខ្លួនជាផ្លូវការពីសាខាភ្នំពេញទៅជាធនាគារបុត្រសម្ព័ន្ធដើមទុនវិនិយោគ ១00% ក្រៅប្រទេស មាននីតិបុគ្គល មានគណនេយ្យភាពឯករាជ្យ។ មកទល់នឹងពេលនេះ ធនាគារ សាខមប៊ែង (ខេមបូឌា) ភីអិលស៊ី មានស្នាក់ការកណ្តាលចំនួន ១ កន្លែង និង ៩ សាខាខេត្ត/ក្រុង (៦សាខា នៅរាជធានីភ្នំពេញ ១សាខានៅខេត្តកំពង់ចាម ១សាខានៅខេត្តកណ្តាល និង១សាខាទៀតនៅខេត្តសៀមរាប) ដែលមានបុគ្គលិកចំនួន ២៧៥ នាក់វ័យក្មេង ស្វាហាប់ ចេះច្នៃប្រឌិត មានការប្តេជ្ញាខ្ពស់ ស្មោះស្ម័គ្រ ចេះយកចិត្តទុកដាក់ បានចូលរួមចំក្នុងការជម្រុញឲ្យអាជីវកម្មរបស់ធនាគារ សាខមប៊ែង (ខេមបូឌា) ភីអិលស៊ី កាន់តែមានស្ថេរភាព និងរីកចម្រើនជាបន្តបន្ទាប់ពីមួយឆ្នាំទៅមួយឆ្នាំ ដោយផ្តល់នូវភាពសម្បូរបែប ផលិតផលហិរញ្ញវត្ថុ និងសេវាកម្មដល់អតិថិជន និងរួមចំណែកដល់ការអភិវឌ្ឍន៍សេដ្ឋកិច្ច-សង្គមនៅលើទឹកដីកម្ពុជា។

គិតត្រឹមដំណាច់ខែធ្នូ ឆ្នាំ២០១៨ ធនាគារ សាខមប៊ែង (ខេមបូឌា) ភីអិលស៊ី មានទ្រព្យសរុបប្រហែល ១៧៩ លានដុល្លារអាមេរិក ដែលមានប្រាក់បញ្ញើសរុបប្រហែល ១៤៣ លានដុល្លារអាមេរិក ប្រាក់ផ្តល់កម្ចីសរុបមានប្រហែល ១៤០ លានដុល្លារអាមេរិក និងកំពុងបំរើតម្រូវការហិរញ្ញវត្ថុប្រហែល ២0,000 អតិថិជននៅតំបន់។

ចូលរួមខូបអនុស្សាវរីយ៍នេះ ធនាគារ សាខមប៊ែង (ខេមបូឌា) ភីអិលស៊ី មានកិត្តិយសសូមស្វាគមន៍វត្តមានរបស់លោក៖

ឯកឧត្តម Chea Chanto – ទេសាភិបាលធនាគារជាតិនៃកម្ពុជា
លោក Vu Quang Minh – ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋសង្គមនិយមវៀតណាមប្រចាំនៅកម្ពុជា
លោក Duong Cong Minh – ប្រធានក្រុមប្រឹក្សាភិបាលធនាគារ សាខមប៊ែង
លោក SUM SANISITH – ទេសាភិបាលរងធនាគារជាតិនៃកម្ពុជា
លោក In Channy – ប្រធានសមាគមន៍ធនាគារនៅកម្ពុជា
លោក Nguyen Van Huynh – សមាជិកក្រុមប្រឹក្សាភិបាលឯករាជ្យធនាគារ សាខមប៊ែង
លោក Tran Minh Triet – ប្រធានគណៈកម្មការត្រួតពិនិត្យធនាគារ សាខមប៊ែង
លោក Ha Van Trung – អគ្គនាយករងធនាគារ សាខមប៊ែង
លោក Trinh Van Ty – ប្រធានក្រុមប្រឹក្សាភិបាលធនាគារ សាខមប៊ែង (ខេមបូឌា) ភីអិលស៊ី

នៅក្នុងពិធីនេះ លោក Duong Cong Minh ប្រធានក្រុមប្រឹក្សាភិបាលធនាគារ សាខមប៊ែង បានថ្លែងថា លោកទទួលស្គាល់នូវសមិទ្ធផលគួរជាទីមោទនភាពរបស់ធនាគារ សាខមប៊ែង និយាយជារួម និងធនាគារ សាខមប៊ែង (ខេមបូឌា) ភីអិលស៊ី និយាយដោយឡែក ត្រូវបានបង្កើតឡើងពីជំនឿទុកចិត្ត ពីកម្លាំងចិត្ត និងភាពក្លៀវក្លារបស់គណៈគ្រប់គ្រង និងបុគ្គលិកទាំងអស់។ ពីគ្រឹះដ៏រឹងមាំនៃវប្បធម៌សាជីវកម្មពីបណ្តាញប្រតិបត្តិការទូលំទូលាយនិងបច្ចេកវិទ្យាទំនើបពីការចាប់អារម្មណ៍និងការគាំទ្រពីធនាគារជាតិនៃកម្ពុជា ស្ថាប័នគ្រប់គ្រងរដ្ឋ ស្ថាប័នគមនាគមន៍។ ពីកិច្ចសហប្រតិបត្តិការរបស់ដៃគូ និងវិនិយោគិន។ និងជាពិសេស គឺទំនុកចិត្ត – ការរួមដំណើររបស់អតិថិជន។

ចំពោះធនាគារ សាខមប៊ែង(ខេមបូឌា) ភីអិលស៊ី លោក Duong Cong Minh មានបំណងចង់ឱ្យគណៈគ្រប់គ្រងនិងបុគ្គលិកទាំងអស់បន្តលើកកម្ពស់តម្លៃវប្បធម៌របស់ធនាគារ សាខមប៊ែង ដោយពង្រឹងនូវវប្បធម៌សាជីវកម្ម ដែលយក “អតិថិជនគឺជាចំណុចសំខាន់” – “ធនធានមនុស្សធ្វើជាចំណុចស្នូល” សម្រាប់តម្រង់គោលការណ៍ឲ្យការអភិវឌ្ឍប្រកបដោយនិរន្តរភាពយូរអង្វែងនៅក្នុងទីផ្សារកម្ពុជា ដោយប្តេជ្ញាចិត្តនាំធនាគារ សាខមប៊ែង (ខេមបូឌា) ភីអិលស៊ី ឲ្យក្លាយជាធនាគារលក់រាយទំនើប សំបូរបែប ប្រសិទ្ធភាព មានទំនុកចិត្ត និងកិត្តនាមខ្ពស់នៅក្នុងប្រព័ន្ធហិរញ្ញវត្ថុ – ធនាគារនៅកម្ពុជា។

តំណាងឲ្យធនាគារជាតិនៃកម្ពុជា (NBC) ឯកឧត្តម ជា ចាន់តូ-ទេសាភិបាលធនាគារជាតិនៃកម្ពុជាបានទទួលស្គាល់នូវការអភិវឌ្ឍរបស់ធនាគារ សាខមប៊ែង (ខេមបូឌា) ភីអិលស៊ី ជាធនាគារពាណិជ្ជមួយរបស់ប្រទេសវៀតណាមដែលបានបើកសាខានៅក្នុងប្រទេសកម្ពុជាក្នុងចំណោមធនាគារពាណិជ្ជចំនួន ៥ ទៀត របស់ប្រទេសវៀតណាម។ ទន្ទឹមនឹងនោះធនាគារបានបង្កើនដើមទុនរបស់ខ្លួនជាបន្តបន្ទាប់ដើម្បីបំពេញតាមតម្រូវការថ្មីរបស់អតិថិជនដោយប្រតិបត្តិតាមការកំណត់បស់ធនាគារជាតិនៃកម្ពុជា ហើយធនាគារបានពង្រីកបណ្តាញប្រតិបត្តិការរបស់ខ្លួនឡើងដល់ចំនួន ៩ សាខា ទៅតាមនិន្នាការអភិវឌ្ឍន៍ដោយមិនឈប់ឈរនៃប្រព័ន្ធធនាគារ។ សមិទ្ធផលទាំងនេះអាចនិយាយបានថាវត្តមានរបស់ ធនាគារ សាខមប៊ែង (ខេមបូឌា) ភីអិលស៊ី បានបង្ហាញពីទំនុកចិត្តរបស់វិនិយោគិនវៀតណាមចំពោះកម្ពុជា និងបង្ហាញភាពទំនាក់ទំនងពាណិជ្ជកម្មកាន់តែជិតស្និទ្ធរវាងវៀតណាមនិងកម្ពុជា។

តទៅខាងក្រោមនេះជារូបភាពទាំងមូលនៃពិធី៖